एजेन्सी । पाकिस्तानका कार्यवाहक प्रधानमन्त्री अनवर उल हक कक्कडले मुलुकमा स्वतन्त्र, निष्पक्ष र पारदर्शी निर्वाचन गराउन सरकार प्रतिबद्ध रहेको दोहोर्याएका छन् ।
एक निजी टिभी च्यानलसँगको अन्तर्वार्तामा उनले आगामी निर्वाचनमा जनताले आफ्नो लोकतान्त्रिक अधिकारको प्रयोग गरी प्रतिनिधि निर्वाचित गरोस् भन्ने अन्तरिम सरकारले चाहेको बताए । उनले अन्तरिम सरकारले निर्वाचित सरकारलाई जिम्मेवारी सुम्पन चाहेको बताए ।
गैरकानुनी रुपमा रहेका विदेशी नागरिकको देश निकालाको विषयलाई लिएर प्रधानमन्त्रीले स्वदेश फर्किदै सम्मानजनक ढंगले स्वदेश फिर्ताको प्रकृयालाई पूर्ण सम्मान र मर्यादाका साथ अघि बढाइने बताए ।
अर्को प्रश्नको जवाफ दिँदै प्रधानमन्त्रीले अफगानिस्तानको अन्तरिम सरकारलाई आफ्नो भूमिमा हुने आतङ्ककारी गतिविधि रोक्न व्यावहारिक कदम चाल्न आग्रह गर्नुभयो । उनले अफगानिस्तान सरकारलाई आफ्नो माटो पाकिस्तानलगायत कुनै पनि देशविरुद्ध आतंकवादका लागि प्रयोग हुन नदिने कुरा सुनिश्चित गर्न आग्रह गरे। उनले आतंकवादी तत्वहरू विरुद्धको कारबाहीमा पाकिस्तानको सुरक्षा बलहरूको अथक प्रयासको पनि प्रशंसा गरे।
पाकिस्तान-अफगान सम्बन्धमा प्रकाश पार्दै, प्रधानमन्त्रीले क्षेत्रीय स्थिरताको वातावरणलाई बढावा दिँदै सबै छिमेकी देशहरूसँग शान्तिपूर्ण सहअस्तित्वमा पाकिस्तानको प्रतिबद्धतामा जोड दिए।