भ्रष्टाचारको मुद्दा लागेपछि कांग्रेस सांसद जीवनबहादुर शाहीको पद स्वतः निलम्बन

काठमाडोँ । कर्णाली प्रदेशका कांग्रेस संसदीय दलका नेता जीवनबहादुर शाहीको सांसद पद निलम्बनमा परेको छ । तत्कालीन पर्यटन तथा नागरिक उड्ड्यन मन्त्रीको हैसियले वाइडबडी जहाज खरिद गर्दा भ्रष्टाचार मुद्दामा मुछिएको भन्दै अख्तियार दुरुपयोग अनुसन्धान आयोगले विशेष अदालतमा मुद्दा दायर गरेपछि शाहीको सांसद पद निलम्बनमा परेको हो ।

शाही तत्कालीन संस्कृति पर्यटन तथा नागरिक उड्डयनमन्त्री थिए । उनी कर्णालीका पहिलो मुख्यमन्त्री हुन् । भेन हाल पनि उनी प्रदेश सभामा सांसद रहेका छन् ।

शाही प्रदेश सभा निर्वाचनमा हुम्ला (ख) बाट निर्वाचित छन् । उनीविरुद्ध भ्रष्टाचारको मुद्दा लागेसँगै उनको सांसद पद स्वतः निलम्बनमा परेको हो । भ्रष्टचार निवारण ऐन, २०५८ अख्तियार दुरुपयोग अनुसन्धान आयोग, २०४८ मा भएको व्यवस्था अनुसार सार्वजनिक पदमा भएको व्यक्तिविरुद्ध मुद्दा दर्ता भएमा स्वतः निलम्बन पर्ने व्यवस्था छ ।

शाही हाल नेपाली कांग्रेस कर्णाली प्रदेशको संसदीय दलको नेता छन् । उनी संस्कृति पर्यटन तथा नागरिक उड्डयन मन्त्री भएका बेला २ वटा वाइडबडी जहाज खरिद गर्ने निर्णय भएको थियो ।

२०७४ वैशाखमा मन्त्रिपरिषद् बैठकमा निर्णय भएर विमान खरिद भएकोमा ३ अर्ब बढी भ्रष्टाचार भएको आरोप लागेको थियो ।