उदयपुरमा ज्यान मार्ने उद्योग मुद्दामा फरार रहेका एक प्रतिवादीलाई प्रहरीले पक्राउ गरेको छ । इलाका प्रहरी कार्यालय बेल्टारबाट खटिएको प्रहरी टोलीले ४४ वर्षीय प्रेम मगरलाई बुधबार नियन्त्रणमा लिएको हो ।
उदयपुर जिल्ला अदालतको फैसलाअनुसार मगरलाई ज्यान मार्ने उद्योग मुद्दामा ५ वर्ष कैद सजाय सुनाइएको थियो । अदालतको फैसला पश्चात फरार रहेका उनलाई प्रहरीले खोजतलासका क्रममा पक्राउ गरेको जनाएको छ ।
पक्राउ परेका मगरलाई फैसला कार्यान्वयनका लागि उदयपुर जिल्ला अदालतमा पेश गर्ने तयारी भइरहेको प्रहरीले जनाएको छ ।
