काठकमडौँ
। रविसम्बन्धी मुद्दामा अदालतबाट आएको आदेशपछि पूर्वप्रधानमन्त्री डा. बाबुराम
भट्टराईले दिएको प्रतिक्रिया ‘स्वागतयोग्य हुनु केवल एक व्यक्तिको टिप्पणी मात्र
होइन, लोकतान्त्रिक संस्कारप्रतिको प्रतिबद्धताको संकेत
हो। राजनीतिक रूपमा फरक धारणा राख्नेहरूबीच पनि अदालतको आदेशलाई सम्मान गर्नुपर्छ
भन्ने सन्देशले विधिको शासनप्रति भरोसा जगाएको छ।
लोकतन्त्रमा
अदालत अन्तिम व्याख्याता हो। कुनै पनि व्यक्ति, चाहे ऊ लोकप्रिय
नेता होस् वा विवादको केन्द्रमा रहेको पात्र, कानुनभन्दा माथि
हुन सक्दैन। अदालतको आदेशपछि बाबुराम भट्टराईले व्यक्त गरेको धारणा राजनीतिक
लाभ हानिभन्दा माथि उठेर संस्थागत सम्मानमा आधारित देखिन्छ। यस्तो दृष्टिकोणले
राजनीतिक बहसलाई जिम्मेवार र परिपक्व बनाउँछ।
पछिल्ला
दिनहरूमा न्यायिक प्रक्रियालाई लिएर सडकदेखि सामाजिक सञ्जालसम्म भावनात्मक र
ध्रुवीकृत प्रतिक्रिया देखिँदै आएको छ। यस्ता परिस्थितिमा जिम्मेवार नेताबाट आउने
सन्तुलित टिप्पणीले समाजलाई शान्त र तथ्यमा आधारित बहसतर्फ डो¥याउँछ।
अदालतको आदेशलाई स्वीकार्दै सुधारका लागि बहस गर्नु लोकतन्त्रको स्वास्थ्यका लागि
आवश्यक छ।
यस
प्रकरणले अर्को महत्वपूर्ण पक्ष पनि उजागर गरेको छ । राजनीतिक नेतृत्वले आफ्ना
समर्थकलाई कानुनी प्रक्रिया प्रती धैर्य र विश्वास राख्न प्रेरित गर्नुपर्छ। दबाब, हल्ला
वा शक्ति प्रदर्शनमार्फत न्यायलाई प्रभावित गर्ने सोचले दीर्घकालमा सबैलाई कमजोर
बनाउँछ।
अदालतको
आदेशपछि बाबुराम भट्टराईको स्वागतयोग्य प्रतिक्रिया सही दिशातर्फको संकेत हो। अब
आवश्यक कुरा भनेको सबै राजनीतिक दल, नेता र नागरिकले
यस्तै संस्कारलाई व्यवहारमा उतार्नु हो। विधिको शासन बलियो भयो भने मात्र
लोकतन्त्र, स्थिरता र न्याय सुनिश्चित हुन्छ।
