काठमाडौँ । सरकारले दोस्रो चरणअन्तर्गत काठमाडौँ उपत्यकाका बागमती नदी तथा यसका सहायक नदी किनारमा रहेका सुकुमबासी बस्ती हटाउने अभियान तीव्र पारेको छ । सोही अभियानअन्तर्गत विभिन्न स्थानमा धमाधम डोजर चलाइँदै आएको छ ।
यसैक्रममा शंखमुल क्षेत्रको सुकुमबासी बस्तीमा पनि डोजर परिचालन गरिएको छ । बस्ती हटाउने कार्य सुरु भएपछि सो क्षेत्रमा सुरक्षा व्यवस्था थप कडा पारिएको छ ।
यसैबीच, आश्रयस्थल नभएका तथा आफैं व्यवस्थापन गर्न नसक्ने परिवारहरूलाई होल्डिङ सेन्टरसम्म पुर्याउन सुरक्षाकर्मीहरूले सहयोग गरिरहेका छन् ।
