काठमाडौँ– Tribhuvan International Airport मा अवतरण गर्ने क्रममा Turkish Airlines को जहाजको चक्कामा आगो लागेको छ ।
सोमबार बिहान इस्तानबुलबाट काठमाडौं आएको उक्त विमान ल्याण्ड गर्ने क्रममा अचानक पाङ्ग्राबाट आगो निस्किएको विमानस्थल स्रोतले जनाएको छ ।
घटनापछि विमानस्थलभित्र तत्काल दमकल परिचालन गरी आगो नियन्त्रणमा लिइएको थियो । विमानमा रहेका सबै यात्रु तथा चालक दलका सदस्य सुरक्षित रहेको बताइएको छ ।
विमानमा २७८ जना यात्रु र ११ जना चालक दलका सदस्य सवार थिए । आगलागीपछि यात्रुहरुलाई इमर्जेन्सी ढोका प्रयोग गरेर सुरक्षित रूपमा बाहिर निकालिएको थियो ।
