सरकारले दोस्रो चरणअन्तर्गत सुकुमबासी बस्ती तथा नदी किनार आसपासका अतिक्रमित क्षेत्रमा डोजर सञ्चालन गर्ने अभियानलाई निरन्तरता दिएको छ । यो अभियान आइतबार पनि जारी रहेको छ ।
आज बिहान कपन क्षेत्रको अतिक्रमित बस्तीमा डोजर प्रयोग गरिएको छ । यसअघि शनिबार बालाजु र स्वयम्भू आसपासका बस्तीहरूमा पनि डोजर चलाइएको थियो ।
यसअघि पहिलो चरणमा सरकारले थापाथली, गैरीगाउँलगायत स्थानका सुकुमबासी बस्ती हटाइसकेको थियो ।
