काठमाडौँ ।
नेपाल वैदेशिक रोजगार व्यवसायी संघको
विशेष साधारणसभा तथा निर्वाचनमा अध्यक्ष पदका उम्मेदवार डिक बहादुर खत्री (कुमार)
आफ्नो प्यानलसहित विजयी भएका छन्। निर्वाचनमा खत्री नेतृत्वको समूहले उल्लेखनीय
सफलता हासिल गर्दै संघको नयाँ नेतृत्व आफ्नो पक्षमा पार्न सफल भएको हो।
काठमाडौँ । नेपाल
वैदेशिक रोजगार व्यवसायी संघको अध्यक्षका उम्मेदवार डिक बहादुर खत्री (कुमार)
प्यानलसहित विजयी भएका छन ।
नेकपा एमाले निकट
प्रगतिशील वैदेशिक रोजगार व्यवसायी मञ्च नेपाल र नेपाली कम्युनिस्ट पार्टीनिकट
वैदेशिक रोजगार व्यवसायी गणतान्त्रिक मञ्च तथा नेपाली कांग्रेसनिकट केही व्यवसायी
मिलेर बनेको संयुक्त व्यवसायी समूहले निर्वाचनमा प्यानल खडा गरेका थिए ।
नेपाली कांग्रेसको
शुभेच्छुक संस्था नेपाल लोकतान्त्रिक वैदेशिक रोजगार व्यवसायी एसोसिएसनले संघका
पूर्वमहासचिव मेघनाथ भुर्तेल र राष्ट्रिय स्वतन्त्र पार्टीनिकट स्वतन्त्र वैदेशिक
रोजगार व्यवसायी समूहले नेपाल वैदेशिक रोजगार व्यवसायी एकता समितिका अध्यक्ष तथा
संघका पूर्व द्वितीय उपाध्यक्ष हरिबहादुर पाण्डे क्षेत्रीको समूहलाई हराउँदै खत्री
अध्यक्षमा विजयी भएका हुन् । अध्यक्ष पदमा विजयी खत्रीले ३ सय ४७ मत प्राप्त गरेका
छन् भने उनका निकटतम प्रतिद्वन्द्वी भुर्तेलले १ सय ९२ र पाण्डेले १ सय ७० मत
पाएका छन् ।
भर्खरै सकिएको
मतगणनामा प्रथम उपाध्यक्षमा महेश बस्नेत (२४१ मत), द्वितीय उपाध्यक्षमा अनिल बोगटी (३१५ मत), तृतीय उपाध्यक्षमा लक्ष्मण पौडेल (२५९
मत), महासचिवमा हरि
डॉगी (२७३ मत), सचिवमा केदार नाथ
अधिकारी (२९४ मत) र कोषाध्यक्षमा धनमाया सिन्जाली (३२३ मत) प्राप्त गरी बिजयी भएका
छन् ।
प्रगतिशील प्यानलले १७ सदस्यीय कार्यसमितिमा पदाधिकारी ७ मध्ये ६ र १० कार्यसमिति सदस्यमध्ये ८ सदस्य जितेको छ । एसोसिएसन प्यानलबाट तृतीय उपाध्यक्ष लक्ष्मण पौडेल र दुई सदस्य गीता राउत र दीक्षा दाहालले जित हासिल गरेका छन् ।
यसअघि संघको नयाँ
कार्यसमिति चयनका लागि तीनवटा प्यानल चुनावी मैदानमा उत्रिएका थिए। अध्यक्ष पदका
लागि मेघनाथ भुर्तेल, डिक
बहादुर खत्री र हरिबहादुर पाण्डे नेतृत्वका प्यानलबीच प्रतिस्पर्धा भएको थियो।
संघको अघिल्लो
कार्यसमितिमा देखिएको विवाद र असन्तुष्टिपछि जिल्ला प्रशासन कार्यालय काठमाडौंको
निर्देशनमा विशेष साधारणसभा तथा निर्वाचन सम्पन्न गरिएको थियो। नयाँ नेतृत्व
चयनसँगै वैदेशिक रोजगार क्षेत्रका व्यवसायीहरूको संगठनात्मक एकता, व्यवसायिक सुधार तथा नीतिगत पहलहरूमा
नयाँ नेतृत्वको भूमिका महत्वपूर्ण रहने अपेक्षा गरिएको छ।
