प्युठान । प्युठानमा चट्याङ लागेर बाबु–छोराको मृत्यु भएको छ। जिल्लाको गौमुखी गाउँपालिका–६, लिबाङका ७० वर्षीय केदार बोहरा क्षेत्री र उनका २८ वर्षीय छोरा रामु बोहरा क्षेत्रीको चट्याङ लाग्दा ज्यान गएको हो।
हिजो दिउँसो परेको चट्याङबाट गम्भीर घाइते भएका दुवैलाई उपचारका लागि जिल्ला अस्पताल बिजुवार लगिएको थियो। उपचारकै क्रममा हिजो राति उनीहरूको मृत्यु भएको प्रहरीले जनाएको छ।
घटनामा चट्याङ लागेर घाइते भएका अर्का एक जनाको भने सोही अस्पतालमा उपचार भइरहेको बताइएको छ।
