काठमाडौँ । नेपाल प्रहरी संस्थाको नेतृत्व आजदेखि नयाँ महानिरीक्षक (आईजीपी) ले सम्हालेका छन्। गृह मन्त्रालयमा दर्ज्यानी चिह्न टाँसेसँगै औपचारिक रूपमा जिम्मेवारी हस्तान्तरण प्रक्रिया सम्पन्न भएको हो।
प्रहरी संगठनको सर्वोच्च पदमा नयाँ नेतृत्वको आगमनले संस्थाभित्र नयाँ ऊर्जा, नीति–दिशा र अनुशासनको अपेक्षा गरिएको छ।
नवनियुक्त प्रहरी महानिरीक्षक (आईजीपी) दानबहादुर कार्कीले आज पदभार ग्रहण गर्दैछन् ।केन्द्रीय प्रहरी प्रवक्ता डीआईजी अबिनारायण काफ्लेका अनुसार गृह मन्त्रालयमा १०ः४५ मा एक संक्षिप्त समारोहबीच गृह सचिव रामेश्वर दङ्गालले महानिरीक्षक कार्कीलाई दर्ज्यानी चिह्न (फुली) लगाइदिने कार्यक्रम तय भएको छ । त्यसलगत्तै नेपाल प्रहरी प्रधान कार्यालय, नक्सालस्थित प्रहरी महानिरीक्षकको कार्यकक्षमा बहाली हुने तयारी गरिएको उनले बताए ।
प्रहरी नेतृत्वमा परिवर्तन केवल पद हस्तान्तरण मात्र होइन, यसको अर्थ संस्थागत सुधार र जवाफदेहिताको नयाँ चरण पनि हो। जनताको सुरक्षा, अपराध नियन्त्रण, अनुसन्धानको दक्षता, र पारदर्शी प्रशासनिक प्रणाली अहिलेका प्रमुख चुनौती हुन्। नयाँ महानिरीक्षकले यी विषयमा प्राथमिकता दिए प्रहरीको जनविश्वास पुनःस्थापित गर्न सकिन्छ।
अघिल्ला नेतृत्वका कामकारबाहीबाट सिक्दै नयाँ आईजीपीले आन्तरिक प्रशासन सुधार, प्रविधि प्रयोग, र बल प्रयोगभन्दा संवादमुखी सुरक्षा दृष्टिकोणलाई अगाडि बढाउने अपेक्षा गर्न सकिन्छ। प्रहरीलाई राजनीतिक हस्तक्षेपबाट मुक्त राख्दै व्यावसायिकता र सेवा–भावनाको संस्कृति विकास गर्नु अहिलेको आवश्यकता हो।
संगठनका हजारौं सदस्यहरूमा नैतिक प्रेरणा र जिम्मेवारीको भावना जगाउने नेतृत्वले मात्र प्रहरी संस्थाको साख पुनःउत्थान गर्न सक्छ। नयाँ महानिरीक्षकको कार्यकाल यही आधारमा मूल्यांकन हुनेछ।
