त्रिभुवन अन्तर्राष्ट्रिय विमानस्थलमा ३७ थान राहदानीसहित एक जना व्यक्ति पक्राउ परेका छन्।
मंगलबार बिहान करिब पौने १२ बजेको समयमा नेपाल एयरलाइन्समार्फत भारतको दिल्ली
जान लागेका सिरहा धनगढीमाई नगरपालिका–१३ का अजित श्रेष्ठलाई विमानस्थल सुरक्षा
कार्यालयको टोलीले नियन्त्रणमा लिएको हो।
प्रहरीका अनुसार कुनै पनि आधिकारिक अनुमति वा कागजातबिना ३७ वटा राहदानी
रोमानियाको भिसा लगाइदिने बहानामा भारततर्फ लैजाँदै गरेको अवस्थामा उनी पक्राउ
परेका हुन्।
पक्राउ परेका श्रेष्ठलाई थप अनुसन्धानका लागि उपत्यका अपराध अनुसन्धान
कार्यालय, टेकुमा पठाइएको
प्रहरी उपरीक्षक राजकुमार सिलवालले जानकारी दिएका छन्।
