गुल्मीमा मोटरसाइकल दुर्घटना हुँदा दुई जनाको मृत्यु भएको छ। कालिगण्डकी करिडोर अन्तर्गत
रुद्रवेणी–पुर्तिघाट सडकखण्डको सत्यवती गाउँपालिका–१ तुलबाङ क्षेत्रमा लु ३६ प
३६२७ नम्बरको २२० सीसी पल्सर मोटरसाइकल दुर्घटनामा परेको जिल्ला प्रहरी कार्यालय
गुल्मीले जनाएको छ।
दुर्घटनामा
मोटरसाइकल चालक बागलुङको कालिगण्डकी गाउँपालिका–३ का ३४ वर्षीय लक्ष्मण थापा र
सोही ठाउँका ५८ वर्षीय गिरमान सिंह रानाको मृत्यु भएको प्रहरीले जानकारी दिएको छ।
जिल्ला प्रहरी
कार्यालय गुल्मीका सूचना अधिकारी प्रहरी नायब उपरीक्षक गंगाबहादुर सारुले
दुर्घटनामा दुवै जनाको टाउको र खुट्टामा गम्भीर चोट लागेको बताए। घाइते अवस्थामा
उनीहरूलाई रिडी प्राथमिक स्वास्थ्य केन्द्र लगिएको थियो। उपचारका क्रममा
चिकित्सकले दुवैलाई मृत घोषणा गरेका थिए।
दुर्घटनाको
कारणबारे प्रहरीले थप अनुसन्धान गरिरहेको जनाएको छ।
