काठमाडौं । नेपाल
बार एसोसिएसनले प्रधानन्यायाधीश डा. मनोजकुमार शर्मा र विवादित मुद्दासँग
सम्बन्धित व्यक्तिबीच भएको भनिएको संवाद तथा भेटघाटबारे निष्पक्ष छानबिन गर्न माग
गरेको छ।
बिहीबार जारी विज्ञप्तिमा बारले
सञ्चारमाध्यममा सार्वजनिक विवरणले न्यायपालिकाको स्वतन्त्रता, निष्पक्षता र विश्वसनीयताबारे प्रश्न उठाएको जनाएको छ।
एसोसिएसनले सार्वजनिक आरोपलाई नै
दोष प्रमाणित भएको निष्कर्ष मान्न नमिल्ने स्पष्ट पार्दै तथ्य र प्रमाणका आधारमा
छानबिन गर्नुपर्नेमा जोड दिएको छ।
आरोप पुष्टि भए पद वा हैसियतको परवाह नगरी कानुनअनुसार कारबाही
गर्नुपर्ने र पुष्टि नभए सम्बन्धित व्यक्तिको प्रतिष्ठा तथा संस्थागत मर्यादा कायम
राख्न तथ्य स्पष्ट पार्नुपर्ने बारको माग छ।
