स्थानीय सरोकार : व्यास गाउँपालिकाका अध्यक्षसँग प्रत्यक्ष कुराकानी रेडियो आहा 104.5 MHz द्वारा प्रसारित “स्थानीय सरोकार” अन्तरकृयात्मक कार्यक्रममा यसपटक व्यास गाउँपालिकाका अध्यक्ष मंगल सिंह धामी अतिथि रहनुभयो।
कार्यक्रममा गाउँपालिकाको वर्तमान अवस्था, विकासका प्राथमिकता, र जनअपेक्षासँग सम्बन्धित विविध विषयमा विस्तृत कुराकानी भयो।
अध्यक्ष धामीले कार्यक्रमका क्रममा व्यास गाउँपालिकाले शिक्षा, स्वास्थ्य, पूर्वाधार र कृषि क्षेत्रमा उल्लेखनीय प्रगति गरेको बताउनुभयो। उहाँका अनुसार गाउँपालिकाले विगत केही वर्षमा स्थानीय स्रोतको प्रभावकारी उपयोग गर्दै सडक, खानेपानी र विद्यालय सुधारका कामलाई प्राथमिकता दिएको छ।
जनतासँगको प्रत्यक्ष अन्तरक्रियामा अध्यक्ष धामीले नागरिकले गरेका सुझाव र गुनासोहरूलाई तत्काल सम्बोधन गर्ने प्रतिबद्धता व्यक्त गर्नुभयो। उहाँले भने, “गाउँपालिका जनताको सरकार हो, त्यसैले योजना बनाउँदा र कार्यान्वयन गर्दा जनताको आवाज नै मार्गदर्शक सिद्धान्त हो।”
कार्यक्रममा सहभागी स्थानीय बासिन्दाले विकास निर्माणका गति, कृषि अनुदानको प्रभावकारिता र युवा रोजगारीका अवसरका विषयमा प्रश्न उठाएका थिए।
अध्यक्ष धामीले यी सबै प्रश्नहरूलाई सकारात्मक रूपमा लिँदै आगामी बजेटमा युवा उद्यमशीलता र रोजगारमुखी योजनालाई प्राथमिकता दिने आश्वासन दिनुभयो।
कार्यक्रमले व्यास गाउँपालिकाको प्रगति, चुनौती र सम्भावनाको वास्तविक चित्र प्रस्तुत गरेको छ। यसरी स्थानीय तहका जिम्मेवार व्यक्तिहरूको प्रत्यक्ष सहभागितासँगै रेडियो आहाको “स्थानीय सरोकार” कार्यक्रम जनताको आवाज सुन्न र जिम्मेवार निकायसम्म पुर्याउन प्रभावकारी माध्यम बन्दै गएको छ।
पूरा कार्यक्रम : स्थानीय सरोकार अन्तरकृयात्मक कार्यक्रम रेडियो आहा 104.5 MHz , www.radioaaha.com , सामाजिक सञ्जाल फेसबुक/ रेडियो आहा, youtube, टिकटक एवम् हाम्रो पात्रो एप्लिकेसनमा लगिन गरी संसारभर एकैसाथ सुन्न सकिन्छ
