स्थानीय सरोकार: रेडियो
आहा 104.5 MHz मा अन्तकृयात्कम कार्यक्रम विकास निर्माण, संवृद्धि
र पुन: निर्माणमा स्थानीय सरकारको बलियो आधार भन्ने नाराका साथ तयार गरिएको हो ।
आजको अतिथि गुराँस गाउँपालिकाका अध्यक्ष टोप बहादुर वि.सी.
हुनुहुन्थ्यो ।
स्थानीय विकासका मुद्दा, सेवा
प्रवाहका चुनौती र आगामी योजनाबारे प्रत्यक्ष संवादको क्रममा कैसाङ नुर्पु
तामाङ गाउँपालिकाका अध्यक्षले हालसम्मका
उपलब्धि र प्राथमिकताहरूलाई अन्तरक्रिया कार्फत गर्नुभयो।
स्थानीय तह जनताको सबैभन्दा नजिकको
सरकार हो। त्यसैले स्थानीय नेतृत्वसँगको प्रत्यक्ष संवाद लोकतन्त्रको जीवन्त
अभ्यास मानिन्छ। हालै गुराँस गाउँपालिका अध्यक्षसँग गरिएको प्रत्यक्ष कुराकानीले
यही यथार्थलाई पुनः पुष्टि गरेको छ।
कुराकानीका क्रममा अध्यक्षले विकास
निर्माण, शिक्षा, स्वास्थ्य, सडक, खानेपानी
तथा रोजगारीका विषयमा गाउँपालिकाले चालेका कदमबारे जानकारी दिनुभयो। सीमित
स्रोत–साधनका बाबजुद प्राथमिकता निर्धारण गरेर काम अघि बढाइएको उहाँको भनाइ
सकारात्मक देखिन्छ। विशेषगरी ग्रामीण सडक सुधार, विद्यालयको भौतिक
तथा शैक्षिक गुणस्तर उकास्ने प्रयास र आधारभूत स्वास्थ्य सेवामा पहुँच विस्तार
गर्ने योजनाले आशा जगाउँछ।
तर प्रत्यक्ष कुराकानी केवल
उपलब्धि सुनाउने मञ्च मात्र हुनु हुँदैन। यो आत्ममूल्यांकन र आलोचनालाई खुलेर
स्वीकार गर्ने अवसर पनि हो। स्थानीय नागरिकले उठाएका ढिलासुस्ती, पारदर्शिता, बजेट
कार्यान्वयन र सेवा प्रवाहसम्बन्धी गुनासाहरूलाई अध्यक्षले गम्भीर रूपमा लिनु
जरुरी छ। योजनाहरू कागजमा सीमित नभई व्यवहारमा देखिनु नै जनप्रतिनिधिको सफलताको
मापदण्ड हो।
सकारात्मक पक्ष के छ भने अध्यक्षले
नागरिकसँग संवाद गर्न इच्छुकता देखाउनुभएको छ। यस्तो संवाद नियमित र संस्थागत हुन
सकेमा जनविश्वास अझ बलियो बन्नेछ। सामाजिक सञ्जाल, सार्वजनिक
सुनुवाइ र प्रत्यक्ष भेटघाटलाई प्रभावकारी रूपमा प्रयोग गर्न सके स्थानीय शासन थप
उत्तरदायी बन्न सक्छ।
गुराँस गाउँपालिकाको समृद्धि
व्यक्तिविशेषको चाहनाले होइन, सामूहिक प्रयास र पारदर्शी
नेतृत्वबाट सम्भव हुन्छ। अध्यक्षसँगको प्रत्यक्ष कुराकानीले दिएको सन्देश स्पष्ट
छ—जनताको आवाज सुन्ने, स्वीकार गर्ने र कार्यान्वयनमा उतार्ने
नेतृत्व नै आजको आवश्यकता हो। अब चुनौती भनेको बोलेका कुरा व्यवहारमा कति
उतारिन्छन् भन्ने हो। त्यसको मूल्यांकन समय र जनताले नै गर्नेछन्।
पूरा कार्यक्रम : स्थानीय सरोकार अन्तरकृयात्मक कार्यक्रम रेडियो आहा 104.5 MHz , www.radioaaha.com , सामाजिक सञ्जाल फेसबुक/ रेडियो आहा, youtube, टिकटक एवम् हाम्रो पात्रो एप्लिकेसनमा लगिन गरी संसारभर एकैसाथ सुन्न सकिन्छ।
