ओलम्पिक खेलमा सर्वश्रेष्ठ प्रदर्शन गर्ने चीनका खेलाडीको चयन गर्दा डाईभिङ खेलाडी चेन रुओलिनको नाम अग्रपंतिमा आउँछ । उनले तीनवटा ओलम्पिकमा सबैभन्दा कम उमेरमा पाँच स्वर्ण जितेर चीनकि सर्वाधिक सफल ओलम्पियन समेत बन्न सफल भएकि छिन् ।
चीनको ओलम्पिक इतिहासलाई फर्केर हेर्दा केवल चार महिला खेलाडीले पाँच स्वर्ण पदक जित्न सफल भएका छन् । यस्तोमा रुओलिन त्यस्ती खेलाडी हुन्, जसले १५ वर्षको उमेरमा ओलम्पिकमा डेब्यू गर्दे २३ बर्षको उमेरमा सन्यास लिएकि थिइन् ।
रुओलिनले खेलेका तीन ओलम्पिकमा अपराजित रहदै पाँच स्वर्ण पदक जितेकि थिइन् । उनी कम उमेरमा चीनको तर्फवाट ओलम्पिकमा सर्वाधिक पाँच स्वर्ण पदक जित्ने पहिलो खेलाडी रुपमा समेत चिनिन्छिन् ।
चेन रुओलिनले सन् २००८ को बेइजिङ ओलम्पिकमा १५ वर्षको उमेरमा डेब्यू गरेकि थिइन् । उनले उक्त ओलम्पिकमा १० मिटर प्लेटफर्म र १० मिटर सिन्क्रो प्लेटफर्ममा दुई स्वर्ण पदक जितेकि थिइन । त्यस्तै सन २०१२ को लण्डन ओलम्पिकमा पनि रुओलिनले यी दुवै इभेन्टमा पुन: दुई स्वर्ण पदक जित्न सफल भएकि थिइन् ।
यसैगरि सन् २०१६को रीयो ओलम्पिकमा उनले एक इभेन्टमा मात्र अर्थात सिंग्रो प्लेटफर्ममा प्रतिस्पर्धा गरेकि थिएन । उक्त इभेन्टमा पनि उनले स्वर्ण पदक जितेर ओलम्पिकमा अपराजित रहदै आफ्नो पदक संख्या पाँच पुर्याउन सफल भएकि थिइन् ।
अक्टोबर २०१६ मा २३ बर्षको उमेरमा रुओलिनले सक्रिय खेल जीवनबाट सन्यास लिएकि थिइन् । रियो ओलम्पिक भन्दा पहिले उनको घाँटीमा आएको समस्याले गर्दा उनले २३ वर्षको कलिलो उमेरमै खेलकुदबाट सन्यासको घोषणा गर्नु परेको थियो ।
यदि उनले चोटका कारण बावजुद पनि आफ्नो खेल जीवनलाई सक्रिय राखेको भए उनको जीवन खतरामा पर्न सक्थ्यो । यहि जोखिमका कारण डाक्टरको सल्लाह अनुसार उनले छोटो समयमा नै खेलकुदवाट सन्यास लिनु परेको थियो ।
