भारतीय महिला क्रिकेट टोलीकि कप्तान हरमनप्रित कौरले क्रिकेटका तीन वटै फर्म्याटबाट कप्तानी छोड्ने घोषणा गरेकि छिन् । ३७ वर्षीय कौरले सामाजिक सञ्जालमा पोस्ट गर्दै उक्त कुराको जानकारी गराएकि हुन् । कौरले अब कप्तानीको जिम्मेवारीबाट मुक्त रहदै खेलाडीको रुपमा खेल खेल्ने बताएकि छिन्।
हरमनप्रीतले सन् २०१६ मा भारतीय महिला टी-२० क्रिकेट टोलीको कप्तानी सम्हालेकि थिइन् । त्यस्तै सन् २०२२ मा एकदिवसिय क्रिकेट र सन २०२३ मा टेष्ट क्रिकेटको कप्तान बनेकि थिइन् । हरमनप्रितले १० वर्ष भारतीय महिला क्रिकेटको कप्तान सम्हाल्दा भारतले ऐतिहासिक सफलता दिलाउन सफल भएकि थिइन्।
हरमनप्रीतको कप्तानीमा गत वर्ष भारतले महिला एकदिवसिय क्रिकेट विश्वकपको उपाधि जितेको थियो । भारतले कुनैपनि फर्म्याटमा विश्वकपको उपाधि जितेको त्यो पहिलो पटक थियो । त्यस्तै, कौरले लगातार आफ्नो कप्तानीमा भारतलाई एसियाली खेलकुद प्रतियोगितमा स्वर्ण पदक दिलाउन सफल भएकि थिइन्।
