काठमाडौं । नेपालले एसियन गेम्स पुरुष क्रिकेट छनोट
प्रतियोगिताको सेमिफाइनलमा ओमानलाई पराजित गर्दै फाइनलमा स्थान बनाएको छ।
सिंगापुरमा आइतबार सम्पन्न पहिलो सेमिफाइनलमा नेपालले
ओमानमाथि आठ विकेटको सहज जित निकाल्दै उपाधिनजिक पुगेको हो। ओमानले दिएको सामान्य
लक्ष्य नेपालले दुई विकेटको क्षतिमा पूरा गर्दै फाइनल यात्रा तय गरेको हो।
समूह चरणमा उत्कृष्ट प्रदर्शन गर्दै सेमिफाइनल पुगेको
नेपालले नकआउट चरणमा पनि आफ्नो लय कायम राख्यो। यस जितसँगै नेपालले फाइनलमा स्थान
सुरक्षित गर्नुका साथै एसियन गेम्स क्रिकेटमा आफ्नो बलियो उपस्थितिलाई पुनः
प्रमाणित गरेको छ।
नेपालले अब उपाधिका लागि फाइनलमा प्रतिस्पर्धा गर्नेछ।
प्रतियोगिताका सेमिफाइनलमा पुगेका नेपाल, ओमान, हङकङ र
मलेसियाले यसअघि नै २०२६ एसियन गेम्स क्रिकेट प्रतियोगितामा स्थान सुनिश्चित
गरिसकेका छन्।
