काठमाडौं । नयाँ नेपाली म्युजिक भिडियो ‘पर्खाई’ सार्वजनिक भएको छ । निर्देशक अभिषेक लाम्शालको निर्देशनमा तयार गरिएको उक्त भिडियो सार्वजनिक भएसँगै दर्शक–श्रोतामाझ सकारात्मक प्रतिक्रिया पाइरहेको छ।
गीतमा गायक दिलिप मानन्धर र सरिता सुनारको स्वर रहेको छ भने शब्द बिष्णु पाण्डेले लेखेका हुन्। संगीत अभिषेक लाम्शालको रहेको छ भने एरेन्जर आरम सुनार रहेका छन्।
भिडियोको छायांकन अभिषेक लाम्शालले नै गरेका हुन् भने सम्पादन नबिन बोहराले गरेका छन्। ‘पर्खाई’ म्युजिक भिडियो डिनपारी क्रिएशनमार्फत सार्वजनिक गरिएको हो।
प्रेम र प्रतीक्षाको भावमा आधारित यस गीत विभिन्न डिजिटल प्लेटफर्महरूमा समेत उपलब्ध रहेको छ। निर्माण टिमका अनुसार गीतले छोटो समयमै दर्शक–श्रोताको मन जित्ने अपेक्षा गरिएको छ।
