काठमाण्डौँ । चर्चित गायीका रीता केसीले हालै मात्र म हराएकी हु त्यो शहरबाट नामको गजल गीत बजारमा ल्याएकी छिन । सांगीतिक क्षेत्रमा बिगत २ दशक विताएर दर्जनौ गीत गाएकी गायिका केसीले आधुनिक, लोक तथा गजल गितहरुमा स्वर दिदै आएकी छिन ।
उनको भर्खरै बजारमा आएको म हराएकी हु त्यो शहरबाटको गजलका गजलकार कपिल अन्जान हुन भने गजलमा राजेन्द्र बजगाईले संगीत भरेका हुन् । उक्त गजलमा स्वयम गायीका केसीले अभिनय गरेकी छिन ।
उक्त गजलको छायाङकन राम कुमार केसीले गरेका छन् भने टेकेन्द्र शाहले सम्पादन गरेका हुन् । उक्त गजल गीत Rita kc youtube channel बाट बजारमा आएको छ ।
सानै उमेर देखी सांगीतिक क्षेत्रमा उचि राख्ने गायीका केसीले गाएका थुप्रै गीतहरुले चर्चाको शिखर समेत चुमेका छन् ।
सांगीतिक क्षेत्रमा आफूलाई अब्बल बनाउन सफल गायीका केसी स्वदेशमा मात्र नभई विदेशमा हुने गरेका थुप्रै सांगितिक कार्यक्रममा समेत व्यस्त हुने गरेकी छिन । उनका चर्चित गितहरुमा भन के के गर्नुपर्छ , चलचित्र रिमैको रेलिमाई , चलचित्र रोल्पा रोगको जाउला कान्छी , सुनकोशी बग्यो सलल , फेसबुकमा , इत्यादि रहेका छन् l
