एजेन्सी। भारतको राजधानी नयाँ दिल्लीमा प्रहरी हस्तक्षेप र प्रदर्शनकारीमाथिको
बल प्रयोगपछि आन्दोलन थप चर्किएको छ। प्रहरी कारबाहीका बाबजुद हजारौं विद्यार्थी, युवायुवती तथा विभिन्न सामाजिक–राजनीतिक समूह फेरि
सडकमा उत्रिएका छन्।
आन्दोलनकारीहरूले शिक्षा प्रणालीमा सुधार, परीक्षा अनियमिततामा संलग्नमाथि कडा कारबाही, सम्बन्धित मन्त्रीको राजीनामा तथा पीडित परिवारलाई न्यायको माग गर्दै प्रदर्शन
जारी राखेका छन्। विपक्षी नेताहरूले पनि आन्दोलनप्रति समर्थन जनाएका छन् भने केही
नेताहरूलाई प्रहरीले नियन्त्रणमा लिएको समाचार सार्वजनिक भएका छन्।
प्रहरीले हिंसात्मक घटना भएको दाबी गर्दै सुरक्षाका लागि निगरानी बढाएको, केही स्थानमा प्रदर्शनकारीलाई नियन्त्रणमा लिएको
तथा थप मुद्दा दर्ता गरेको जनाएको छ। उता मानवअधिकार पक्षधर संस्थाहरूले
शान्तिपूर्ण प्रदर्शनमा अत्यधिक बल प्रयोग भएको भन्दै निष्पक्ष छानबिनको माग गरेका
छन्।
प्रहरी कारबाहीपछि आन्दोलन झन् व्यापक बनेको देखिएको छ। आन्दोलनकारीहरूले
आफ्ना माग पूरा नभएसम्म प्रदर्शन जारी राख्ने चेतावनी दिएका छन्।
