मोरङ । मोरङको रतुवामाई नगरपालिकामा लागुऔषध नियन्त्रण ब्यूरो कोटेश्वरबाट खटिएको टोलीले तीन जनालाई पक्राउ गरेको छ।
पक्राउ पर्नेमा दुई जना भारतीय नागरिक र एक जना नेपाली नागरिक रहेको जनाइएको छ।
प्राप्त विवरणअनुसार, पक्राउ गर्ने क्रममा ब्यूरोको टोलीले पाँच राउन्ड हवाई फायर र दुई राउन्ड घुँडामुनि गोली प्रहार गरेको थियो। गोली लागेका दुई भारतीय नागरिकलाई नियन्त्रणमा लिइएको छ भने एक जना नेपाली नागरिकलाई पनि पक्राउ गरिएको छ।
प्रहरी टोलीले पक्राउ परेकाहरूको साथबाट करिब ५०० ग्राम खैरो हेरोइन र एक थान पेस्तोल बरामद गरेको जनाएको छ। घटनाबारे थप अनुसन्धान भइरहेको छ।
